拍拖协议书
其实，我明白呢D戒条有点吹毛求疪、有D不设实际、有D妙想天开，我只想你知道，係写呢D戒条嘅时间内，每一秒鐘，我都係牵掛你架
.唔好再话怕俾唔到幸福我而企图推开我，因為我最大嘅幸福就係同你一齐。
.我有嘢做得唔岩你可以话我，不过唔俾发晒脾气嬲晒咁话我，要慢慢讲道理，有耐心D。
.唔准对我讲大话，我最憎人呃我，虽然你话呃我喺唔想我唔开心，但喺俾我知道你呃我，咁样我会更加唔开心。
.唔准一脚踏两船 (或以上 )。
.我知道你冇可能每秒鐘都掛住我，但係如果你全日都冇諗起我，我会好惊架。
.如果你唔开心，你要同我讲，唔好扮无事，因為如果俾我发现我会比你更唔开心
.你先要努力工作，然后尽量抽时间陪我。
.你唔需要係有钱仔，但係要有上进心，想出人头地。
.你一定要有自己嘅理想。
.唔好乱咁作出承诺，因為我真係会当真咁记一世架。
.我发脾气cut你線，你唔使即时打翻电话俾我，但喺要发SMS俾我。
.如果你发我脾气逼我做D我唔想做嘅嘢，我会觉得好唔开心。
.我都好憎人唔信我，怀疑我。
.如果你爱我，你唔会捨得要我伤心.
.我唔会check你嘅来电显示，但係你最好唔好俾我听到你同不明来歷嘅女人讲电话
.我明白每个人都有过去，你会有旧情人嘅相呀信呀礼物呀，但係唔好喺我面前飘扬，有咩烂咗嘅就唔好怪我。
.我钟意收到你嘅SMS，几肉麻我都顶得顺架。
.每日起码要打一次电话俾我，因為我会掛心你，最好係喺我临训前打嚟，因為听完你电话我会训得舒服D。
.我哋未必可以一生一世，但希望你同我一齐嘅时候，每一刻都对我认真。
.你心裡面諗D咩，一定要同我讲，因為我好蠢，你唔同我直接讲我唔会知道。
.我唔需要你对我许下关于以后嘅某种承诺，我只想你肯定你对我依家嘅感觉，因為以后嘅事无人可以预测到。
.出街一定要拖实我，因為我係超级路盲，会荡失路。
.我唔係专登骚扰你，我只係想等你知道我几时掛住你嗟。
.你要好锡好锡我，因為你唔锡我就无人锡我架啦，当然我都会好锡你架。
.我唔喺贪心嘅人，唔一定要钻石同珍珠，就算你送易拉环盖俾我都会一样咁开心，最重要喺睇你有冇心。
.如果有一日你郁手打我，我一定会走。
.记得我送俾你嘅嘢要好好保存。
.唔好批评我嘅好朋友，因為我同佢地共过患难，唔係酒肉朋友。
.如果你需要我嘅时候，随时揾我，唔好俾我以为自己係个闲人。
.我喊嘅时候，你一定要氹我，因為我只会喺好伤心好伤心嘅时候先喊。
.我好乐意帮你洗衫煮饭执屋，但係请你唔好当喺「奉旨」。
. 唔好以為我真係好大方，只係我怕你讨厌小气嘅女仔咋。
.因為我有一D唔係太开心嘅过去，对人好冇安全感。所以请你用用行动话俾我知你对我係认真嘅，你唔係玩玩下。
.你要对自己有信心，我唔会生翼，所以我唔识飞走。
.我好野蛮任性，我知我都会為你而改，不过需要时间。
.我M嘅时候情绪会怪D，所以你要小心D。
.你煮饭俾我食，就算只係一碗餐蛋麵，我都会开心过食鹅肝。
.我希望你间唔中都会俾D小惊喜我，係「小惊喜」，唔係「大惊喜」。
.唔好习惯出去食饭，虽然我唔精，不过為咗你会翻屋企食饭，我会好俾心机去学。
.你唔开心嘅时候我会静静行开，俾时间空间你冷静，因為我唔多识安慰人，但过后我会想你打翻个电话俾我，因為我关心你。
.如果我成日管住你你觉得烦嘅话要同我讲，因為我憧憬我以后都可以管住老公，而老公又乐意俾我管。
.唔使经常同我讲「I love you」，虽然呢句说话听几多次都唔会嫌多，都唔会厌，不过我更希望你用你嘅行动嚟证明呢句话。