推荐文档列表

军训感言(-08-25 13:03:27)

时间:2021-12-08 12:09:54 军训日记 我要投稿

军训感言(2010-08-25 13:03:27)

军训感言 (2010-08-25 13:03:27) (中国大学网 unjs.com)   三日,终于坚持过来啦~~      军训好辛苦。初时去真系好想借呢个机会增强下体质,运动下,但系真系好辛苦。我林初三既生活都不过如此。   第一日(21号):   去到基地,入宿舍放行李,根住集队训练。食饭,三分钟。最难忘就系晚上地狱式训练,明明就系其他班D人串个教官,累到全级比人闹。训练果阵好想哭      ,几百个俯卧撑,几百个上下蹲,点解我唔晕低,晕低就可以休息啦。不过甘多人都同我一样干辛苦,唯有继续坚持落去。训练完周身酸痛,翻到宿舍,最顶唔顺就系果D味,超难闻。厕所塞满晒人等冲凉,终于冲完凉啦,训教。真系辛苦,坐地下又屁股痛,训低床板又硬,企住又脚痛,生不如死。      从来未试过训得感少,热左成晚,训唔熟,好辛苦。      第二日(22号):   6:30集中,企军姿,第一次feel到汗如雨下既感觉,好似冲凉感,仲以为系有蚊咬,原来系汗,明明话五分钟,点知都唔算数,过左好耐先话30秒,激死。不过已经算好,上午行下山,一齐坐街,大家都苦中作乐,系度讲笑。下午就睇老师同教官打篮球      。我地班教官好好人,都唔罚我地,睇下其他班果D人真系惨,我地算好好啦。 最衰晚黑居然无水冲凉,大家行左成日,又疲劳,又痛,已经好辛苦,好想训教。好彩落完雨,天气唔热。真系第一次感觉到个身好多汗,好辛苦,最辛苦就系果晚捧住两大支矿泉水上个死人斜坡,来回行山翻宿舍。训系床度果种生不如死既感觉,真系林翻到惊,果晚训得好D但系好冻,第一次体验到训落床可以5秒就训着。   第三日(23号):   冻到5点醒左,6:30集中,又系企军姿,汗如雨下。真系好唔容易等到中午闭营仪式,唱歌果阵好想哭,因为终于捱完啦。食完中午饭,收拾行李,终于可以告别个斜坡啦,永别啦,以后都唔好再翻去啦。   唔好话我娇生惯养,我林好多人既想法同我一样,我呢篇日记真系读出距地既心声。上到大巴翻屋企既路上,真系从来未试过感疲劳,训着果下个头撞到几次个玻璃窗,痛到死。翻到屋企一觉训到晚黑11点。起身食也再训过,宜家好似仲未恢复状态。训翻自己张床觉得好似熟悉而又陌生,终于捱果去啦,好感动。      通过今次有所收获,好多从未试过既第一次,初三仲有一个星期就来啦,好好努力,迎接中考。   END....可能漏左细节,到时补上。